नयाँ इनार कुन दिसा मा खन्ने, कुन बार खन्दा राम्रो, कुन महिना खन्दा राम्रो ??

कुनै पनि घडेरीमा घर वा भवन बनाउनु अगाडि नै पानीको व्यवस्थापन मिलाउन पर्छ । वास्तु शास्त्र अनुसार या जान्न आवश्यक छ कि, कुवा वा बोरिङबाट पानी निस्किन्छ कि निस्किदैन ? कति गहिरो खनेपछि निस्किन्छ ? पानीको स्वाद, सुगन्ध र रङ कस्तो हुन्छ ? र, कस्तो हुनुपर्छ भन्ने विषयमा वास्तुशास्त्र अनुसार जलको व्यवस्थापनको विधि प्रस्तुत गरिएको हुन्छ ।

कुनैपनि गाउँ, शहर, बस्ती आवासीय कोलोनी वा निजी निवासको अग्नि कोण, वायव्य कोण, वा नैऋत्य कोणमा कुवा तथा पानीको ट्यांकी बनाउन हुँदैन । यस्तो कुवा वा पानीको ट्यांकी घरका सदस्यहरुका लागि खतरायुक्त सावित हुन सक्छ । भयावह र भूतप्रेतको स्रोत बन्न सक्छ । मुख्य रुपमा ईशान र पूर्व दिशा नै कुवा र पानीट्यांकीका लागि उपयुक्त स्थान मानिएको छ । यदि पूर्व वा ईशान कोणमा स्थानको अभावका कारण बनाउन सम्भव छैन भने पश्चिम वा उत्तर पश्चिम दिशामा कुवा खन्न समिन्छ । भूखण्डको बीच भागलाई ब्रह्मस्थान भनिन्छ । यहाँ कुवा खन्न राम्रो मानिदैन ।

• शुभ महिना

बोरिङ, कुवा, इनार खन्नको लागि माघ, फागुन, वैशाख, जेठ, कार्तिक महिना वास्तुशास्त्र अनुसार उत्कृष्ट मानिन्छन् । यी महिनामा कुवा, इनार खनिएमा त्यस स्थानमा बस्ने घरमुलिको लागि अत्यन्त शुभ फलदायक हुन्छ ।

• शुभ नक्षत्र

पुष्य, हस्त, शतभिषा, पूर्वाभिष, पूर्वाषाढा, उत्तराभाषा, अनुराधा, धनिष्ठा, उत्तराफाल्गुनी, उत्तराभाद्रपदा, रोहिणी, रेवती मघा तथा मृगशिरा नक्षत्र शुभ मानिन्छ ।

• शुभबार

सोमबार, बुधबार र बिहीबार उत्कृष्ट मानिन्छ ।

• शुभलग्न

सिंह, वृश्चिक तथा धनु लग्न बााहेक अन्य सबै लग्न शुभ रहेका छन् । तर पनि जलसंज्ञक लग्नलाई उत्कृष्ट मानिन्छ । लग्नमा चन्द्रमाको बास रहेमा झनै फलदायक हुन्छ ।

• इनार खन्ने दिशा

इनार वा ट्यूवेल खन्नका लागि उत्तर दिशाबाट प्रारम्भ गर्नुपर्छ । ईशान कोणमा खन्दा पानी छिट्टै प्राप्त हुन्छ । तर नैर्ऋत्य वा वायव् कोणमा छ भने पानी छिट्टै सुक्ने सम्भवना हुन्छ । घरको ईशान कोणको मध्यरेखाको दायाँ बायाँ भागमा वा पूर्व दिशामा राम्रो मानिन्छ । त्यसैगरि पश्चिम दिशामा पूर्वापर कमसल मानिन्छ भने अन्यत्र अशुभ नै हुन्छ ।

                                                                                                                                                               -आचार्य वाशुदेवकृष्ण शास्त्री